12.6.13

"மூணு படம் நாலு விஷயம்"

ஜெர்மன் சமாச்சாரம் என்றால் நம்பி வாங்கலாம் என்று எல்லாரும் நினைப்பது உண்டு. இன்றைக்கும்  ஜெர்மன் குவாலிடி பற்றி நிறைய தம்பட்டம்  உண்டு. ஆனால் என்ன செய்வது..  தொடர்ந்து பெய்து வந்த  நீர்   ஜெர்மனியில்  அணை  உடைந்து ஊருக்குள் வந்து விட்டதாம். இயற்கையின் சக்திக்கு முன்பு எந்த தொழில் நுட்பமும் ஒன்றும் இல்லை.
இது திரு நாராயண சாமியின் கவனத்திற்கு.....



இந்தியாவும்  பாகிஸ்தானும் தொடர்ந்து அடிச்சிக்குது. ஆனால் வாரம் இருமுறை செல்லும் இரயிலில் பயணம் செய்யும் பயணிகளின் லக்கேஜ்ஜை ஸ்கானர் செய்யும்   இயந்திரம் பழுது ஆகி ரொம்பநாள் ஆயிடுச்சாம். என்னத்த சரி பண்ணினாலும் நடக்குறது கட்டாயம் நடக்கும்.  நடக்காதது கட்டாயம் நடக்காதுன்னு அதைச் சரி பண்ணாமலேயே விட்டுட்டாங்களாம்.


அமெரிக்காவின் 29 வயது எட்வர்ட் ஸ்நோடவுன் அமேரிக்கா எப்படி எல்லார் தலைக்கும் மேல பம்பரம் விடுதுன்னு ஹாங்காங் போய் உலகத்துக்கு எல்லாம் தெரியப் படுத்தி இருக்காரு. அதாவது இன்டர்நெட் மூலமாக எல்லாரின் கணக்குகள்  எல்லாவற்றையும், எல்லார் பேசுவதையும் ஒட்டுக் கேட்கிறதாம். அது மட்டுமல்ல மற்ற நாடுகளோடு போட்டிருக்கிற  ஒப்பந்தங்களைக் கூட சீரியசாக எடுத்துக் கொள்வது  இல்லையாம்.  உரிமை பேசுற நாட்டுல இப்படி நடக்குது... இதைக்கேட்டு ஐயையோ ஆனந்தமே ன்னு பாட்டு பாடுறத விட்டுட்டு - ஷாக் ரியாக்ஷன் குடுத்தாராம் நம்ம நாட்டு மேதை ...  இங்க அப்புடி ஒன்னும் நடக்காத மாதிரி... ஒருவேளை உண்மையா இருக்குமோ... பார்டர் விட்டு பார்டர் போற வண்டிகளையே ஒழுங்க நாம பாக்குறதில்லை இதுல போய்  யாராவது டெலிபோன  ஒட்டுக் கேப்பாங்களா என்ன?





இந்தியாவில ராஜஸ்தான் மாநிலத்தில் ஒருவருக்கு - படிக்காத படிப்புக்கு, விண்ணப்பிக்காத தேர்வுக்கு, தேர்வு எழுத மத்திய அரசுத் தேர்வாணையம் ஒபாமா புகைப்படத்தோட தேர்வு அனுமதிச்  சீட்டு வழங்கியிருக்கிறதாம்... இதக் கேட்டா ஒபாமா ஷாக் ஆவாரா மாட்டாரா...




ஏன்  இப்புடி? தொழில் நுட்பம் பல சமயங்களில் கேவலமாய் பிய்த்துக்  கொள்ளும் என்பதற்கான சமீபத்திய உதாரணங்கள் இவைகள்...





6 comments:

என் ராஜபாட்டை : ராஜா சொன்னது…[பதிலளி]

ஒபாமா மேட்டர் செம ... நம்ம நாட்டுல என்ன வேண்டுமானாலும் நடக்கும்

Barari சொன்னது…[பதிலளி]

முன்னாள் குடியரசு தலைவர் டாக்டர் அப்துல் கலாம் பதவியில் இருக்கும்போதே அவர் பெயரில் பிடி ஆணை பிறப்பித்த நம் நாட்டில் ஒபாமா படம் போட்டு தேர்வு அனுமதி என்பதெல்லாம் ஜுஜுபி சார்

s suresh சொன்னது…[பதிலளி]

சுவையான சம்பவங்களின் தொகுப்பு! சுவாரஸ்யம்!

Appu U சொன்னது…[பதிலளி]

@என் ராஜபாட்டை : ராஜா

அது மட்டுமில்லை. ஒபாமா தன் நாட்டு சிறுவர்களிடம் - ஒழுங்காப் படிங்க இல்லாட்டி உங்க வேலைக்கு உலை வைக்க இந்தியாவில் இருந்து ஆட்கள் வேலைக்கு வருவார்கள் என்று பயமுறுத்துகிறார் என்று கேள்விப் பட்டேன். அதனால நம்ம ஆட்கள் அவருக்கு தேர்வுச் சீட்டு போட்டார்களோ என்னவோ...

Appu U சொன்னது…[பதிலளி]

@Barari

எதுவும் நடக்கும் நம் நாட்டிலே என்பதற்கு இதுவும் உதாரணமே... நன்றி..

Appu U சொன்னது…[பதிலளி]

@s suresh

இன்னும் நிறைய விடயங்களை விட்டு விட்டேன்.. நேரமிண்மை என்று ஒரு காரணம் சொல்ல இருக்கிறது. நன்றி..

கருத்துரையிடுக

பதிவுகள் விவாதத்தின் தொடக்கமே. பின்னூட்டங்களே விவாதங்களை முன்னெடுத்துச் செல்லும்